Fransanın “Nice-Matin” qəzetində Bakıda keçiriləcək Avropa Oyunlarının təqdimatı ilə bağlı Kannda təşkil olunan yürüşdən bəhs edilmişdir

Fransanın gündəlik "Nice-Matin" qəzetinin 12 iyul tarixli nömrəsində 2015-ci ildə Bakıda keçiriləcək birinci Avropa Oyunlarının təqdimatı ilə əlaqədar iyulun 11-də Kannda Heydər Əliyev Fondunun dəstəyi və təşəbbüsü ilə təşkil olunan yürüşdən bəhs edən "Bakı Kruazettdə" sərlövhəli məqalə dərc edilmişdir.

Məqalədə "Bakı-2015" birinci Avropa Oyunlarına həsr olunan tədbirin ilk dəfə Kannda baş tutduğu, gələn il Azərbaycanda keçiriləcək Avropa Oyunları ilə bağlı Kruazettdə 5 kilometrlik məsafədə yürüş təşkil olunduğu bildirilir.

Yürüşdə 100-dən artıq həvəskarın iştirak etdiyi vurğulanan məqalədə qaliblərin də fikirlərinə yer verilir.

Yazıda gələn il iyunun 12-dən 28-dək davam edəcək Avropa Oyunlarında idmanın müxtəlif növləri üzrə yarışların keçiriləcəyi diqqətə çatdırılır.