Azərbaycanlı futbolçu "Portu"da

Azərbaycanlı futbolçu Lissabonun "Portu" klubuna transfer olunub. ANS "Sportal"-a istinadla xəbər verir ki, "Atletiko"nun Bakıya səfəri çərçivəsində ispan məşqçilər tərəfindən bəyənilən "Bakı"nın 17 yaşlı futbolçusu Mahir Mədətov gözlənildiyi kimi Madrid klubuna yox, bir başqa komandaya transfer olunub.

Bu il Portuqaliya çempionatında əsas titula sahib çıxan "Portu" gənc oyunçunu sıralarına qatıb. "Atletiko"dan sonra "Portu" ilə də əməkdaşlığa başlayan "Bakı" yerli futbolçularının xarici klublarda çıxışı üçün əlverişli şərait yaradır. Futbolçunun transferi haqda danışıqlar yekunlaşıb və razılıq əldə olunub. Yaxın günlərdə Mədətov Portuqaliyaya yollanacaq.

Qeyd edək ki, Mahir Mədətov 17 yaşlı futbolçulardan ibarət milli komandamızın əsas heyət üzvüdür.