Azərbaycanda maşın kanala düşüb, 4 nəfər ölüb

Yevlax rayonunda ölümlə nəticələnən yol qəzası baş verib.

APA-nın Daxili İşlər Nazirliyinin saytına istinadən verdiyi məlumata görə, iyulun 28-də saat 08 radələrində Bünyadabad kəndi ərazisində kənd sakini Tofiq Əliyev idarə etdiyi “VAZ-2106” markalı avtomobili kanala aşırıb.
 
Nəticədə T. Əliyev və sərnişinləri Bünyadabad kənd sakinləri Fazil Həsənov, Baxşəli Həsənov və Nəriman Hüseynov ölüblər.

Yevlax Rayon Polis Şöbəsi tərəfindən araşdırmalar aparılır.