Lənkəranda 14 və 16 yaşlarında iki əmioğlu çayda boğulub

Lənkəranda iki yeniyetmə çayda boğulub.

APA-nın məlumatına görə, hadisə avqustun 3-də axşam saatlarında rayonun Rvo kəndi ərazisində qeydə alınıb.
 
Rayonun Şağlakücə kənd sakini, 2000-ci il təvəllüdlü Rəvan Xəyyam oğlu Muradov və onun Sumqayıt şəhərindən qonaq gəlmiş əmisi oğlu, 1998-ci il təvəllüdlü Azər Rəhman oğlu Muradov Lənkərançayın kənddən keçən hissəsində çimərkən boğulub.
 
Hər iki yeniyetmənin meyiti yerli sakinlər tərəfindən sudan çıxarılaraq aidiyyəti üzrə təhvil verilib.
 
Faktla bağlı rayonun hüquq-mühafizə orqanlarında araşdırma aparılır.