Masallıda "Ford" markalı minik avtomobili yanıb

Masallıda ötən gün axşam saatlarında yanğın hadisəsi qeydə alınıb.


APA-nın Fövqəladə Hallar Nazirliyinin (FHN) saytına istinadən verdiyi xəbərə görə, yanğın rayonda (rayon mərkəzindən 8 km aralı) vətəndaşa məxsus ümumi sahəsi 200 kv.m olan tikilidə baş verib. Nəticədə, tikilinin dam örtüyünün yanar konstruksiyaları 120 kv.m sahədə, çardağına yığılmış 3 ton ot bağlamasının 2 tonu və qarajın içərisində "Ford" markalı minik avtomobilinin yanar hissələri yanıb. Tövlənin və ot bağlamasının qalan hissəsi yanğından mühafizə olunub.