Bakıda üç nəfəri vurub qaçan sürücü müəyyən edilib

Bakıda üç piyadanı maşın vurub.



Bakı şəhər Dövlət Yol Polisi İdarəsindən APA-ya verilən məlumata görə, mayın 23-də saat 00.48 radələrində Binəqədi rayonu Ə. Naxçıvani küçəsi ilə Azadlıq prospektinin kəsişməsində müəyyən edilməmiş avtomaşınla yolu keçən Bakı şəhər sakinləri Sevda İsayeva, Səbinə Əhmədova və Fərəh Rəhimzadə vurulublar. Nəticədə xəsarət almış piyadalara xəstəxanada ilkin tibbi yardım göstərildikdən sonra buraxılıb.



Binəqədi Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində hadisəsinin "Chevrolet" markalı avtomaşının sürücüsü, Bakı şəhər sakini Ağaşirin Qarayev tərəfindən törədilməsi müəyyən edilib.



Faktla bağlı araşdırma aparılır.