"Qalatasaray" klubunun istefa verdi

Türkiyənin "Qalatasaray" klubunun prezidenti Ünal Aysal istefa verib.

Trend Türkiyə KİV-lərinə istinadən xəbər verir ki, buna klubun İdarə Heyətinin iyunun 22-də keçirəcəyi növbədənkənar seçkilər səbəb olub.

Ünal Aysalın istefa verməsindən sonra bütün vəzifələrə yenidən seçimlər olacaq. İstefa qərarından sonra açıqlama verən Aysal prosedurun düzgün getməsi üçün bu addımı atdığını deyib:

"Mənim kimi klubun bütün rəhbərliyi istefa verib. İyunun 22-də yenidən seçkilər olacaq və namizədliyimi yenidən irəli sürəcəm".

Qeyd edək ki, Aysal yeni president seçiləcəyi təqdirdə kluba 3 il rəhbərlik edə biləcək. Klubun idarə heyətinin növbədənkənar seçkilərinə qədər isə kluba Əli Dürüst rəhbərlik edəcək.