Şəkidə yol qəzası baş verib

Trend Kanal S-ə istinadən xəbər verir ki, Şəkidə yol qəzası baş verib, nəticədə 15 yaşlı piyada vurulub.

Hadisə saat 17:00 radələrində şəhərin Salman Mümtaz küçəsində qeydə alınıb.

Volqa markalı avtomobilin sürücüsü Hümmətov Cəmil Əsabəli oğlu özü xəsarət alan şəxsi təcili tibbi yardım stansiyasına çatdırıb.

O, avtomobili aşağı sürətlə idarə etdiyini, piyadanın qəfildən onun yoluna çıxdığını bildirib. Xəstənin vəziyyəti isə orta-ağır qiymətləndirilir.

Faktla bağlı araşdırma aparılır.