Zaqatalada bədbəxt hadisə baş verib, bir nəfər ölüb

Trend Kanal S-ə istinadən məlumat verir ki, Zaqatala rayonunda tikintidə bədbəxt hadisə baş verib.

Rayon Prokurorluğundan verilən məlumata görə, hadisə Azərbaycan Müəllimlər İnstitutu rayon filialının tikilməkdə olan binasında qeydə alınıb.

Orada işləyən, Salyan rayon sakini, 21 yaşlı Teymur Siyasət oğlu Abbasovu binanın zirzəmisində cərəyan vurub və nəticədə o, dünyasını dəyişib.

Faktla bağlı araşdırma aparılır.

Qeyd edək ki, Azərbaycan Müəllimlər İnstitutunun Zaqatala filialının köhnə binası ötən ilin mayında baş verən zəlzələdə qəzalı vəziyyətə düşdüyündən filial üçün yeni bina inşa edilir.