Vladimir Putinə Kekusin-kan karate növü üzrə 8-ci dan verilib

Rusiya prezidenti Vladimir Putinə Kekusin-kan karate növü üzrə 8-ci dan verilməsi barədə məlumat yayılıb.

APA-nın Gazeta.ru-ya istinadən xəbərinə görə, Rusiya Kekusin-kan Karate-do Federasiyası məlumatı nə təsdiq, nə də təkzib edib.

Qeyd edək ki, Kekusin-kan karate növü üzrə usta olan Xatsuo Royama 2001-ci ildə Vladimir Putinə Kekusin-kan karate növü üzrə 5-ci dan verib. 2009-cu ildə onu 7-ci danla əvəzləyiblər.

Cüdo və sambo üzrə idman ustası olan Rusiya prezidenti 2006-cı ildən Avropa Cüdo Federasiyasının fəxri prezidentidir.