Şəkidə güclü külək ağacı avtomobilin üzərinə aşırıb, xəsarət alan var

Şəkidə güclü külək ağacı avtomobilin üzərinə aşırıb.

Trend-in Kanal S-ə istinadən xəbər verir ki, Şəki şəhər sakini Mustafayev Ramin Aydın oğlunun idarə etdiyi 55-BB-527 dövlət nömrə nişanlı VAZ 2106 markalı avtomobil hərəkətdə olarkən güclü külək nəticəsində üzərinə yol kənarındakı ağaclardan biri aşıb.

Hadisə nəticəsində sürücü Mustafayev Ramin Aydın oğlu müxtəlif dərəcəli bədən xəsarətləri alıb. Xəsarət alan sürücü dərhal Şəki Təcili və Təxirəsalınmaz Tibbi Yardım Stansiyasına yerləşdirilib. İlkin tibbi yardım göstərildikdən sonra o, evə buraxılıb.

Qəza zamanı avtomobil yararsız hala düşüb. Avtomobil və ağac yoldan çıxarıldıqdan sonra yolda hərəkət bərpa olunub.