Süleyman Dəmirəlin həyat yoldaşı vəfat etdi

Türkiyənin 9-cu prezidenti Süleyman Dəmirəlin həyat yoldaşı Nazmiyə Dəmirəl vəfat edib. ANS-in CNN Türk-ə istinadən verdiyi məlumata görə, Nazmiyə Dəmirəl uzun müddətdir müalicə olunduğu Başkənt Universiteti Ankara xəstənasında 86 yaşında dünyasını dəyişib. Xanımının vəfat etdiyini öyrənən sabiq prezident xəstəxanaya gəlib.

Xatırladaq ki, Nazmiyə Dəmirəl 1927-ci ildə doğulub. O, 1948-ci ilin martın 12-də Süleyman Dəmirəllə evlənib. Cütlüyün övladları olmayıb. O, 1993-cü il mayın 16-dan 2000-ci ilin mayın 16-dək Çankaya Köşkündə ev sahibəsi olub.