Yanvarda hərbi xidmətə yollanacaq çağırışçılar hansı hərbi hissəyə düşdüklərini bu gündən SMS vasitəsilə öyrənə bilərlər

Yanvar ayında həqiqi hərbi xidmətə çağırılan gənclər bu gündən şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı hərbi hissəyə və ya qoşun növünə düşdükləri barədə məlumatı öyrənə bilərlər.

Bu barədə APA-ya Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) ictimaiyyətlə əlaqələr şöbəsindən məlumat verilib.



Bu xidmətdən bütün mobil operatorlara məxsus nömrələri olan şəxslərin istifadəsi mümkündür.

Vətəndaşlar həmçinin SHXÇDX-nin www.seferberlik.gov.az ünvanında “Elektron xidmət” bölməsinə daxil olaraq özləri haqqında məlumatları yazmaqla xidmət edəcəkləri hərbi hissə və ya qoşun növünü dəqiqləşdirə bilərlər.