Fransa DİN Parisdə iki nəfərin ölümü ilə nəticələnən insidenti törədənlərin kimliyini açıqlayıb

Fransa Daxili İşlər Nazirliyi Parisin 20-ci dairəsindəki mağazada insanları girov götürməkdə şübhəli bilinən şəxslər haqqında axtarış elan edib.

APA-nın “The Guardian”a istinadən verdiyi məlumata görə, barəsində axtarış elan olunanlar 1988-ci il təvəllüdlü qız Hayat Bumeddyen (Hayat Boumeddiene) və qara dərili kişi Amedi Kulibalidir (Amedy Coulibaly). Bu şəxslər haqqında istənilən məlumata malik olan vətəndaşlardan dərhal Daxili İşlər Nazirliyi ilə əlaqə saxlamaları xahiş olunub.

Qeyd edək ki, mağazada baş verən girov götürmə cəhdi zamanı 2 nəfər ölüb.