Mingəçevirdə ağır yol qəzası baş verib, xəsarət alanlar var

Mingəçevirdə ağır yol qəzası baş verib.

Trend EL TV-yə istinadən məlumat ki, Mingəçevir şəhəri, Gəncə şosesi küçəsində ağır yol-nəqliyyat hadisəsi baş verib. Mingəçevir şəhəri, Yeni yaşayış massivində məskunlaşan 1962-ci il təvəllüdlü məcburi köçkün Cahid Aydın oğlu İmaməliyevin idarə etdiyi "VAZ 21011" markalı "03 BB 325" dövlət qeydiyyat nişanlı avtomobil Daş bazarı adlanan əraziyə dönərkən Bakı şəhəri Binəqədi rayonu, Biləcəri qəsəbəsi, 3-cü Dağlı küçəsi, ev 12-də yaşayan 1961-ci il təvəllüdlü Meylud Əlipaşa oğlu Məmmədovun idarə etdiyi "Ford" markalı "90 KF 466" dövlət nömrə nişanlı avtomobillə toqquşub.

Hadisə nəticəsində "VAZ 21011" markalı avtomobilin sürücüsü Cahid İmaməliyev və sərnişin Hacıyev Xeyrəddin Fəxrəddin oğlu ciddi bədən xəsarətləri ilə Mingəçevir Mərkəzi Şəhər Xəstəxanasının Travmatologiya şöbəsinə yerləşdiriliblər.

Hadisə nəticəsində hər iki avtomobilə ciddi ziyan dəyib.

Faktla bağlı Mingəçevir Şəhər Polis şöbəsində araşdırma aparılır.