İki gün öncə meyiti tapılan iki nəfərin şəxsiyyəti məlum olub

Bakının Yasamal rayonunda tapılan iki kişi meyitinin şəxsiyyəti müəyyənləşib.

Yasamal Rayon Polis İdarəsindən APA-ya verilən məlumata görə, həyata keçirilən əməliyyat-axtarış tədbirləri nəticəsində meyiti tapılan şəxslərin 1983-cü il təvəllüdlü Elçin Zəki oğlu Əlibəyov və 1991-ci il təvəllüdlü Abbas Vahid oğlu Məmmədli olduğu müəyyən edilib.

Polisdən meyiti tapılan şəxslərin ölüm səbəbinin hələlik məlum olmadığı bildirilib.

Qeyd edək ki, hadisə fevralın 3-də Tbilisi prospekti ev 45 ünvanında qeydə alınıb.