Azərbaycana gətirilən avtomobillərin həcmi bir ildə 40%-ə yaxın azalıb

Bu ilin yanvar ayında Azərbaycana 4 090 ədəd avtomobil idxal olunub.

APA-nin Dövlət Gömrük Komitəsinin hesabatına istinadən verdiyi məlumata görə, bu, ötən ilin eyni dövrü ilə müqayisədə 2 387 avtomobil və ya 36,8% azdır.

Belə ki, ölkəyə gətirilən avtomobillərin 66 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 3 870 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 146 ədədi yük daşımaq üçün motorlu nəqliyyat vasitələri, 8 ədədi isə xüsusi təyinatlı motorlu nəqliyyat vasitələridir.