Nyu-Yorkun merinə zəhərli məktub göndərilib

Naməlum şəxslər çox güclü zəhəri olan məktubu Nyu-York meri Maykl Blumberqə göndəriblər. Bu barədə Trend CNN telekanalına istinadən məlumat verir.

Blumberqdən başqa, zəhər "qanunsuz silaha qarşı Merlər" təşkilatının direktoruna göndərilib, RİA Novosti agentliyi məlumat verir.

İşin təfərrüatları hələ bildirilmir.

Oxşar hadisə mayın ortasında baş verib.

Çox güclü zəhər ritsinlə məktublar naməlum şəxslər tərəfindən Vaşinqton ştatın Spokan şəhərinin federal hakimi və yerli poçt idarəsinə göndərilib.