Qvardiola püşkü dəyərləndirdi

"Bavariya"nın baş məşqçisi Pep Qvardiola Çempionlar Liqasında yarımfinal mərhələsinin püşkünü dəyərləndirib.

ANS-in məlumatına görə, ispaniyalı mütəxəssis yarımfinalda sabiq komandası "Barselona" ilə qarşılaşmalarının onun üçün xüsusi əhəmiyyət daşıdığını deyib:

"Bilirdim ki, gec-tez bu, baş verəcək. Mən "Barselona"da həm oyunçu, həm də məşqçi olmuşam. Bu baxımdan onlarla qarşılaşma mənim üçün xüsusi əhəmiyyət kəsb edəcək. Püşkdən razıyam. Mənim üçün yaxşı təcrübə olacaq. Gözəl və çətin oyun keçəcək. "Barselona" güclü komandadır. Luis Enrike həm yaxşı məşqçi, həm də gözəl insandır. Təbii ki, finala çıxmaq üçün çalışacağıq".

Qeyd edək ki, 44 yaşlı mütəxəssis 2008-2012-ci illərdə "Barselona"nı çalışdırıb.